సెప్టెంబర్ 30న ఒంగోలుకు వైఎస్ జగన్.. కాకుమాను రాజశేఖర్ కుటుంబానికి పరామర్శ
ఆంధ్రప్రదేశ్
/
ప్రకాశం
Thallapalli Lakshmana
కనిగిరి నియోజకవర్గ ప్రతినిధి
ఒంగోలు, Ntoday News, సెప్టెంబర్ 26: వైఎస్సార్సీపీ అధ్యక్షుడు, మాజీ ముఖ్యమంత్రి వైఎస్ జగన్మోహన్రెడ్డి సెప్టెంబర్ 30న ఒంగోలుకు రానున్నట్లు పార్టీ వర్గాలు తెలిపాయి. ఇటీవల ఆకస్మికంగా మృతి చెందిన వైఎస్సార్సీపీ ప్రచార విభాగం రాష్ట్ర అధ్యక్షుడు కాకుమాను రాజశేఖర్ కుటుంబాన్ని ఆయన పరామర్శించనున్నట్లు వెల్లడించాయి.
కాకుమాను రాజశేఖర్ ఆకస్మిక మరణంపై వైఎస్ జగన్ ఇప్పటికే సంతాపం వ్యక్తం చేశారు. రాజశేఖర్ కుటుంబ సభ్యులకు తన సానుభూతిని తెలియజేశారు.
రాజశేఖర్ మృతదేహానికి ఇప్పటికే వైఎస్సార్సీపీ ముఖ్య నాయకులు నివాళులర్పించి, కుటుంబ సభ్యులను పరామర్శించారు. పార్టీ నాయకుల ప్రకారం, రాజశేఖర్ పార్టీ కార్యక్రమాల్లో క్రియాశీలకంగా పనిచేశారు. ఆయన మృతి పార్టీకి తీరని లోటని నాయకులు పేర్కొన్నారు.
సెప్టెంబర్ 30న ఒంగోలు పర్యటనలో భాగంగా రాజశేఖర్ కుటుంబ సభ్యులను కలసి వారి పరిస్థితిని తెలుసుకుని జగన్ పరామర్శించనున్నట్లు పార్టీ వర్గాలు వెల్లడించాయి.
