కాకుమాను రాజశేఖర్ కుటుంబాన్ని పరామర్శించిన వైఎస్ జగన్

ఒంగోలు: ఇటీవల మృతి చెందిన వైఎస్సార్‌సీపీ అధికార ప్రతినిధి కాకుమాను రాజశేఖర్ కుటుంబ సభ్యులను పరామర్శించేందుకు వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్ రెడ్డి మంగళవారం ఒంగోలుకు వచ్చారు.

ఏబీఎం కళాశాల ప్రాంగణంలోని హెలిప్యాడ్ వద్ద వైఎస్సార్‌సీపీ కనిగిరి నియోజకవర్గ ఇన్‌చార్జి డాక్టర్ దద్దాల నారాయణ యాదవ్ ఆయనకు స్వాగతం పలికారు. అనంతరం జగన్‌మోహన్ రెడ్డితో కలిసి కాకుమాను రాజశేఖర్ నివాసానికి వెళ్లారు.

రాజశేఖర్ కుటుంబ సభ్యులను జగన్‌మోహన్ రెడ్డి పరామర్శించి, కుటుంబానికి సానుభూతి తెలిపారు. ఈ సందర్భంగా దద్దాల నారాయణ యాదవ్ కూడా కుటుంబ సభ్యులను పరామర్శించారు.

జగన్‌మోహన్ రెడ్డి పర్యటనలో పాల్గొనేందుకు కనిగిరి నియోజకవర్గానికి చెందిన వైఎస్సార్‌సీపీ నాయకులు, కార్యకర్తలు పెద్ద సంఖ్యలో ఒంగోలుకు తరలివచ్చారు. కార్యక్రమంలో పార్టీకి చెందిన పలువురు నాయకులు, కార్యకర్తలు పాల్గొన్నారు.