పిప్రి గ్రామంలో 70వ ఎస్‌జీఎఫ్ జిల్లా ఖోఖో పోటీలకు ఘన స్వాగతం

అండర్‌-17 క్రీడాకారులు, వ్యాయామ ఉపాధ్యాయులకు స్వాగతం పలికిన గ్రామస్థులు

ఆర్మూర్, నవంబర్ 10 (ఎన్ టుడే న్యూస్):

ఆర్మూర్ మండలం పిప్రి గ్రామంలో నిర్వహించనున్న 70వ ఎస్‌జీఎఫ్ (స్కూల్ గేమ్స్ ఫెడరేషన్) జిల్లా స్థాయి అండర్‌-17 ఖోఖో పోటీలకు విచ్చేస్తున్న క్రీడాకారులు, వ్యాయామ ఉపాధ్యాయులు, ముఖ్య అతిథులకు గ్రామస్థులు ఘన స్వాగతం పలికారు. క్రీడాకారులను, పోటీల నిర్వహణలో పాల్గొనే ఉపాధ్యాయులను సాదరంగా ఆహ్వానిస్తూ స్వాగతం, సుస్వాగతం తెలిపారు.

ఈ కార్యక్రమంలో పిప్రి గ్రామ బీజేపీ అధ్యక్షుడు సుంకం భూషణ్ ఆధ్వర్యంలో గ్రామస్థులు స్వాగత ఏర్పాట్లలో పాల్గొన్నారు. ముఖ్య అతిథులుగా బీజేపీ నాయకులు హాజరుకాగా, గ్రామ ప్రజలు పెద్ద సంఖ్యలో పాల్గొని క్రీడాకారులకు, ఉపాధ్యాయులకు స్వాగతం పలికారు.

జిల్లా స్థాయి ఖోఖో పోటీల సందర్భంగా పిప్రి గ్రామంలో క్రీడా సందడి నెలకొంది. క్రీడాకారులు తమ ప్రతిభను ప్రదర్శించేందుకు గ్రామానికి చేరుకుంటున్న నేపథ్యంలో గ్రామస్థులు ఉత్సాహంగా స్వాగత కార్యక్రమంలో పాల్గొన్నారు.