ఆస్తి గొడవ.. అన్నపై తమ్ముడు దాడి...

ఆస్తి గొడవ.. అన్నపై తమ్ముడు దాడి...

అన్నమయ్య జిల్లా.

పుంగనూరు/రామసముద్రం 

ఆస్తి వివాదం నేపథ్యంలో సొంత అన్నపై తమ్ముడు దాడి చేసిన ఘటన రామసముద్రం మండలం దీన్నెపల్లె గ్రామంలో చోటుచేసుకుంది.గ్రామానికి చెందిన వెంకటరమణ,హరినాథ్ అన్నదమ్ములు. కుటుంబ ఆస్తుల పంపకాల విషయంలో కొంతకాలంగా వీరిద్దరి మధ్య వివాదం కొనసాగుతున్నట్లు స్థానికులు తెలిపారు.సోమవారం ఇద్దరి మధ్య మాటామాటా పెరిగి వాగ్వాదం తీవ్రరూపం దాల్చినట్లు సమాచారం. ఈ క్రమంలో తమ్ముడు హరినాథ్,అన్న వెంకటరమణ కాళ్లు చేతులు కట్టేసి దాడి చేయడమే కాకుండా ఆయన దగ్గర వున్న 70 వేల రూపాయల నగదు ను తీసేసుకున్నారని బాధితుడు తెలిపారు. గాయపడిన వెంకటరమణను కుటుంబ సభ్యులు వెంటనే పుంగనూరు ప్రభుత్వ ఆసుపత్రికి తరలించి చికిత్స అందిస్తున్నారు. ప్రస్తుతం ఆయన పరిస్థితి నిలకడగా ఉన్నట్లు సమాచారం.ఈ ఘటనతో దీన్నెపల్లె గ్రామంలో కొంతసేపు ఉద్రిక్త వాతావరణం నెలకొంది. ఘటనకు సంబంధించి పూర్తి వివరాలు తెలియాల్సి ఉంది.