చీమకుర్తి గ్రానైట్ క్వారీలో ప్రమాదం

చీమకుర్తి: చీమకుర్తి క్విడ్ బెస్ట్ గ్రానైట్ క్వారీలో గురువారం సాయంత్రం ప్రమాదం జరిగినట్లు సమాచారం. మైనింగ్ ప్రాంతానికి వెళ్లే మార్గంలో భారీ రాళ్లతో కూడిన గోడ కూలినట్లు తెలుస్తోంది.

ప్రమాద సమయంలో అక్కడ ఎంతమంది కార్మికులు ఉన్నారు, ఎవరైనా గాయపడ్డారా లేదా రాళ్ల కింద చిక్కుకున్నారా అనే విషయంపై స్పష్టత రావాల్సి ఉంది. ఘటన స్థలంలో ఉన్న కార్మికులు ఆందోళన వ్యక్తం చేస్తున్నట్లు సమాచారం.

ప్రమాదంపై సమాచారం అందుకున్న అధికారులు, పోలీసులు వివరాలు సేకరిస్తున్నట్లు తెలుస్తోంది. ఘటనకు సంబంధించిన పూర్తి వివరాలు అధికారికంగా వెల్లడికావాల్సి ఉంది. ఘటన స్థలానికి మీడియా ప్రతినిధులను వెళ్లకుండా అడ్డుకున్నట్లు కూడా సమాచారం.