రాష్ట్రస్థాయి షూటింగ్ పోటీల్లో అక్షితకు కాంస్య పతకం

10 మీటర్ల ఎయిర్ పిస్టల్ విభాగంలో ప్రతిభ కనబరిచిన అక్షిత

సదాశివనగర్ (ఎన్ టుడే న్యూస్): 70వ రాష్ట్రస్థాయి షూటింగ్ పోటీల్లో సదాశివనగర్ పోలీస్ స్టేషన్‌లో హోంగార్డుగా విధులు నిర్వహిస్తున్న పేరం స్వామి చిన్న కుమార్తె అక్షిత ప్రతిభ కనబరిచింది. 10 మీటర్ల ఎయిర్ పిస్టల్ విభాగంలో పోటీపడి కాంస్య పతకాన్ని సాధించింది.

ఈ సందర్భంగా అక్షితను సదాశివనగర్ ఎస్ఐ పుష్పరాజ్‌తో పాటు పోలీస్ స్టేషన్ సిబ్బంది అభినందించారు. రాష్ట్రస్థాయి పోటీల్లో పతకం సాధించడం పట్ల హర్షం వ్యక్తం చేస్తూ, భవిష్యత్తులో మరిన్ని విజయాలు సాధించాలని ఆకాంక్షించారు.