మునగపాకలో గాంధీ విగ్రహానికి అంగన్‌వాడీల వినతి
ఆంధ్రప్రదేశ్
/
అనకాపల్లి
మునగపాక: గాంధీ జయంతిని పురస్కరించుకుని తమ సమస్యలను పరిష్కరించాలని కోరుతూ మండలంలోని అంగన్‌వాడీ కార్యకర్తలు శుక్రవారం స్థానిక పీఏసీఎస్ ఆవరణలోని మహాత్మా గాంధీ విగ్రహానికి వినతిపత్రం సమర్పించారు.
ఈ సందర్భంగా సీఐటీయూ మండల కన్వీనర్ ఎస్. బ్రహ్మాజీ మాట్లాడుతూ అంగన్‌వాడీల సమస్యలను పరిష్కరిస్తామని గత ఎన్నికల సమయంలో హామీ ఇచ్చిన ప్రభుత్వం అధికారంలోకి వచ్చి రెండేళ్లు పూర్తయి, మూడో సంవత్సరంలోకి అడుగుపెట్టినా సమస్యలు పరిష్కారం కాలేదని అన్నారు.
అంగన్‌వాడీ కార్యకర్తలు, సిబ్బంది ఎదుర్కొంటున్న సమస్యలపై ప్రభుత్వం స్పందించి పరిష్కార చర్యలు చేపట్టాలని ఆయన కోరారు. తమ సమస్యలు పరిష్కరించేలా ప్రభుత్వం దృష్టి సారించాలని కోరుతూ గాంధీ విగ్రహానికి వినతిపత్రం అందజేసినట్లు తెలిపారు.
కార్యక్రమంలో అంగన్‌వాడీ కార్యకర్తలు, సిబ్బంది పాల్గొన్నారు.
