మధిరలో శ్రీ వెంకటేశ్వర స్వామి ఆలయంలో అన్నదానం

భక్తులు, వికలాంగులు, పేదలు, అనాథలకు అన్నప్రసాద వితరణ

మధిర: ఖమ్మం జిల్లా మధిర పట్టణంలోని బంజారా కాలనీలో కొలువైన శ్రీ లక్ష్మీ పద్మావతి సమేత శ్రీ వెంకటేశ్వర స్వామి దేవాలయంలో శనివారం అన్నదాన కార్యక్రమం నిర్వహించారు. ఈ కార్యక్రమంలో భక్తులతో పాటు వికలాంగులు, పేదలు, అనాథలు పాల్గొని అన్నప్రసాదాన్ని స్వీకరించారు.

పలువురు దాతల సహకారంతో అన్నదాన కార్యక్రమాన్ని నిర్వహించినట్లు ఆలయ నిర్వాహకులు తెలిపారు. ఆపదలో ఉన్నవారికి, నిరుపేదలకు ఆహారం అందించడం ద్వారా సేవాభావాన్ని చాటుకోవచ్చని పేర్కొన్నారు.

ఈ కార్యక్రమంలో ఆవుల శ్రీనివాసరావు, తాళ్లూరి కృష్ణసూరి తదితరులు పాల్గొన్నారు.