దసరాకు కొత్త పార్టీ ప్రకటన.. విజయసాయిరెడ్డి వెల్లడి

ఆంధ్రప్రదేశ్ రాజకీయాల్లో కొత్త పార్టీ ఏర్పాటుపై మాజీ ఎంపీ విజయసాయిరెడ్డి కీలక ప్రకటన చేశారు. దసరా నవరాత్రుల సందర్భంగా తన కొత్త పార్టీకి సంబంధించిన పూర్తి వివరాలను వెల్లడిస్తానని ఆయన ఎక్స్‌ వేదికగా తెలిపారు.

పార్టీ పేరు, జెండా, ఎజెండాను దసరా నాటికి సిద్ధం చేస్తామని పేర్కొన్నారు. రాష్ట్రంలోని రెండు కుటుంబ పార్టీలకు ప్రత్యామ్నాయంగా ప్రతి నియోజకవర్గంలో కొత్త నాయకత్వాన్ని తీసుకొచ్చే లక్ష్యంతో ముందుకు సాగుతున్నట్లు తెలిపారు.

యువతకు రాజకీయాల్లో ఎక్కువ ప్రాధాన్యం కల్పిస్తూ మార్పు తీసుకురావడమే తన లక్ష్యమని విజయసాయిరెడ్డి వెల్లడించారు. కొత్త పార్టీ ఏర్పాటుకు సంబంధించి విధివిధానాలు, భవిష్యత్ కార్యాచరణను త్వరలో ప్రకటిస్తామని పేర్కొన్నారు.