ఈ నెల 25న విద్యార్థులకు అవోపా పురస్కారాల ప్రదానం

హనుమకొండ: అఫీషియల్స్ అండ్ ప్రొఫెషనల్స్ అసోసియేషన్ (అవోపా) హనుమకొండ ఆధ్వర్యంలో విద్యలో ఉత్తమ ప్రతిభ కనబరిచిన విద్యార్థులకు ఈ నెల 25న పురస్కారాలు అందజేయనున్నట్లు నిర్వాహకులు ప్రకటించారు. మొత్తం 61 మంది విద్యార్థులకు బంగారు పతకాలు ప్రదానం చేయనున్నట్లు తెలిపారు.

శనివారం నిర్వహించిన విలేకరుల సమావేశంలో దొంతుల ఈశ్వరయ్య, కే. భాస్కర్‌రావు, డాక్టర్ జీ. సతీశ్, జీ. సురేందర్ ఈ వివరాలను వెల్లడించారు. విద్యార్థులను ప్రోత్సహించడం, వారి ప్రతిభను గుర్తించి గౌరవించడం లక్ష్యంగా ఈ కార్యక్రమాన్ని నిర్వహిస్తున్నట్లు పేర్కొన్నారు.

పురస్కారాలకు అర్హులైన విద్యార్థులు ఈ నెల 19వ తేదీలోపు దరఖాస్తు చేసుకోవాలని సూచించారు. అర్హతలు, దరఖాస్తు విధానం తదితర వివరాలను సంబంధిత నిర్వాహకుల ద్వారా తెలుసుకోవాలని తెలిపారు.