బీసీ రిజర్వేషన్లపై ఏపీ కేబినెట్ కీలక చర్చలు

అమరావతి, అక్టోబర్ 10: స్థానిక సంస్థల ఎన్నికల్లో బీసీలకు 34 శాతం రిజర్వేషన్ల అమలుపై న్యాయపరమైన అడ్డంకులు ఎదురవడంతో ముఖ్యమంత్రి చంద్రబాబు అధ్యక్షతన అమరావతి సచివాలయంలో అత్యవసర కేబినెట్ సమావేశం ప్రారంభమైంది. 50 శాతం రిజర్వేషన్ల పరిమితిలో బీసీలకు న్యాయం చేసే మార్గాలు, గత జీవోల ఉపసంహరణ, డెడికేటెడ్ కమిషన్ నివేదిక ఆధారంగా తదుపరి చర్యలపై చర్చించనున్నారు. స్థానిక ఎన్నికల్లో బీసీలకు పార్టీ టికెట్ల కేటాయింపులో ప్రాధాన్యం కల్పించే అంశం కూడా చర్చకు వచ్చే అవకాశం ఉంది. కేబినెట్ తుది నిర్ణయాలపై అధికారిక ప్రకటన వెలువడాల్సి ఉంది.