అరుణక్క నగర్‌లో పూడికతీత పనుల ప్రారంభం

మంచిర్యాల 8వ డివిజన్ పరిధిలోని అరుణక్క నగర్‌లో మేయర్ దర్బా మధుకర్ ఆధ్వర్యంలో పూడికతీత పనులను ఘనంగా ప్రారంభించారు. వర్షాకాలం సమీపిస్తున్న నేపథ్యంలో కాలువల్లో పేరుకుపోయిన చెత్త, పూడిక తొలగించి ప్రజలకు ఇబ్బందులు కలగకుండా చర్యలు చేపడుతున్నట్లు తెలిపారు.

ప్రతి సంవత్సరం వర్షాల సమయంలో కాలనీవాసులు ఇబ్బందులు పడకుండా ముందస్తు చర్యల్లో భాగంగా ఈ పనులు చేపడుతున్నామని పేర్కొన్నారు. ఎమ్మెల్యే ప్రేమ్ సాగర్ రావు సహకారంతో నిధులు మంజూరై, డ్రైనేజీ సమస్యలకు శాశ్వత పరిష్కారం కల్పించే దిశగా అభివృద్ధి పనులు కొనసాగుతున్నాయని తెలిపారు.

ఈ కార్యక్రమంలో కాలనీవాసులు, ప్రజాప్రతినిధులు తదితరులు పాల్గొన్నారు