గ్యాస్ కట్టర్లతో ATM ధ్వంసం.. రూ.32 లక్షల నగదు చోరీ

హైదరాబాద్: సాతంరాయి సమీపంలోని యాక్సిస్ బ్యాంక్ ఏటీఎంలో భారీ చోరీ జరిగింది. గుర్తుతెలియని దుండగులు గ్యాస్ కట్టర్లతో ఏటీఎంను ధ్వంసం చేసి, అందులో ఉన్న సుమారు రూ.32 లక్షల నగదును ఎత్తుకెళ్లారు.

సమాచారం అందుకున్న పోలీసులు వెంటనే ఘటనా స్థలానికి చేరుకుని పరిశీలించారు. ఏటీఎంను గ్యాస్ కట్టర్లతో కట్ చేసి నగదును చోరీ చేసినట్లు గుర్తించారు. ఘటనపై ఆధారాలను సేకరించిన పోలీసులు చోరీకి పాల్పడిన నిందితుల కోసం గాలింపు చేపట్టారు.

ఏటీఎం పరిసరాల్లోని సీసీ కెమెరాల ఫుటేజీని పోలీసులు పరిశీలిస్తున్నట్లు సమాచారం. చోరీకి సంబంధించి మరిన్ని వివరాలు పోలీసుల దర్యాప్తులో వెల్లడికావాల్సి ఉంది.