రేపటి పెన్షన్ పంపిణీకి సర్వంసిద్ధం

కొండపి, సెప్టెంబర్ 30: అక్టోబర్ 1న ఎన్టీఆర్ భరోసా సామాజిక భద్రత పింఛన్ల పంపిణీకి అన్ని ఏర్పాట్లు పూర్తి చేసినట్లు కొండపి మండలం ఎంపీడీవో రామాంజనేయులు తెలిపారు.

కొండపి మండలంలోని 19 గ్రామ సచివాలయాల పరిధిలో ఉన్న పింఛన్‌దారులకు ఉదయం 6 గంటల నుంచి పింఛన్లను యథావిధిగా పంపిణీ చేయనున్నట్లు ఆయన వెల్లడించారు. ఇందుకు సంబంధించి అవసరమైన ఏర్పాట్లను పూర్తి చేసినట్లు తెలిపారు.

పింఛన్‌దారులు నిర్ణీత సమయంలో తమ గ్రామ సచివాలయాల పరిధిలో పింఛన్‌ను పొందాలని ఎంపీడీవో సూచించారు. మండలవ్యాప్తంగా పింఛన్ పంపిణీ ప్రక్రియ సజావుగా జరిగేలా సంబంధిత సిబ్బందికి ఇప్పటికే సూచనలు చేసినట్లు తెలిపారు.