చేపూర్ గ్రామంలో ఘనంగా బాలల దినోత్సవ వేడుకలు

ఆర్మూర్ మండలం చేపూర్ గ్రామంలో బాలల దినోత్సవ వేడుకలు ఘనంగా నిర్వహించారు. ఈ సందర్భంగా గ్రామ కమిటీ సభ్యులు మాట్లాడుతూ.. బాలల హృదయాల్లో శాస్త్రీయ విజ్ఞానంతో పాటు దేశభక్తి భావాలను నింపిన మహానేత భారత తొలి ప్రధాని పండిట్ జవహర్‌లాల్ నెహ్రూ అని కొనియాడారు.

ఈ కార్యక్రమంలో గ్రామ వార్డు సభ్యులందరూ పాల్గొన్నారు. ఈ సందర్భంగా వార్డు సభ్యుడు చంద్రశేఖర్ మాట్లాడుతూ.. దేశ తొలి ప్రధానిగా జవహర్‌లాల్ నెహ్రూ అందించిన సేవలు చిరస్మరణీయమని, దేశ అభివృద్ధికి, విద్యా మరియు శాస్త్ర సాంకేతిక రంగాల పురోగతికి ఆయన చేసిన కృషి ఎప్పటికీ గుర్తుండిపోతుందని పేర్కొన్నారు.

బాలల భవిష్యత్తు దేశ భవిష్యత్తుతో ముడిపడి ఉందని, పిల్లల్లో విద్య, విజ్ఞానం, దేశభక్తి విలువలను పెంపొందించడమే బాలల దినోత్సవం ప్రధాన ఉద్దేశమని తెలిపారు.