ఫతేపూర్ గ్రామంలో ఘనంగా జవహర్‌లాల్ నెహ్రూ జయంతి వేడుకలు

ఆర్మూర్: ఆర్మూర్ మండలంలోని ఫతేపూర్ గ్రామంలో భారత మాజీ ప్రధాని పండిట్ జవహర్‌లాల్ నెహ్రూ జయంతి వేడుకలను ఘనంగా నిర్వహించారు. ఈ సందర్భంగా గ్రామ పంచాయతీ పాలకవర్గ సభ్యులు, వార్డు సభ్యులు, గ్రామ ప్రజలు పాల్గొని నెహ్రూ చిత్రపటానికి నివాళులర్పించారు.

ఈ కార్యక్రమంలో వార్డు సభ్యుడు సునీల్ రెడ్డి మాట్లాడుతూ.. భారతదేశ తొలి ప్రధానిగా జవహర్‌లాల్ నెహ్రూ దేశ అభివృద్ధికి, విద్యా రంగానికి, శాస్త్ర సాంకేతిక రంగాల అభివృద్ధికి అందించిన సేవలు చిరస్మరణీయమని కొనియాడారు. పిల్లలంటే ఎంతో ఇష్టపడే నెహ్రూ జయంతిని బాలల దినోత్సవంగా జరుపుకోవడం ఆయనకు దేశం అందిస్తున్న గౌరవమని పేర్కొన్నారు.

ఈ కార్యక్రమంలో నూనె శ్రీకాంత్, గ్రామ పంచాయతీ పాలకవర్గ సభ్యులు, వార్డు సభ్యులు, గ్రామ ప్రజలు తదితరులు పాల్గొన్నారు.