లింబాద్రి గుట్టకు అయ్యప్ప స్వాముల పాదయాత్ర

దత్తు గురుస్వామి ఆధ్వర్యంలో మామిడిపల్లి నుంచి కాలినడకన బయలుదేరిన స్వాములు.. లక్ష్మీనరసింహస్వామిని దర్శించుకుని ప్రత్యేక పూజలు

ఆర్మూర్: ఆర్మూర్ మున్సిపాలిటీ పరిధిలోని మామిడిపల్లి శ్రీ ఆంజనేయస్వామి దేవాలయం నుంచి దత్తు గురుస్వామి ఆధ్వర్యంలో అయ్యప్ప స్వాములు శనివారం భక్తిశ్రద్ధలతో పాదయాత్ర చేపట్టారు. నిజామాబాద్ జిల్లా భీంగల్ మండలంలోని ప్రసిద్ధ పుణ్యక్షేత్రమైన లింబాద్రి గుట్టకు స్వాములు కాలినడకన బయలుదేరి వెళ్లారు.

లింబాద్రి గుట్టపై కొలువైన శ్రీ లక్ష్మీనరసింహస్వామిని దర్శించుకున్న అయ్యప్ప స్వాములు ప్రత్యేక పూజలు నిర్వహించి తమ మొక్కులు చెల్లించుకున్నారు. ఈ సందర్భంగా పాడిపంటలు సమృద్ధిగా పండాలని, ప్రజలందరికీ సుఖసంతోషాలు కలగాలని స్వామివారిని ప్రార్థించారు.

భక్తిశ్రద్ధలతో సాగిన ఈ పాదయాత్రలో గురుస్వామి దత్తుతో పాటు శ్రీనివాస్, గంగాధర్, చింటూ, సందీప్ తదితర అయ్యప్ప స్వాములు పాల్గొన్నారు.