గాయత్రి స్కూల్స్‌లో వైభవంగా బాలల దినోత్సవ వేడుకలు

కందుకూరు పట్టణం లోని శ్రీ గాయత్రి ఒలింపియాడ్ స్కూల్  లో శనివారం  అత్యంత వైభవంగా బాలల దినోత్సవం వేడుకలు నిర్వహించారు. 

ఈ సందర్భంగా  విద్యార్థుల సృజనాత్మకతను, శారీరక దృఢత్వాన్ని వెలికితీసే విధంగా వ్యాసరచన, చిత్రలేఖనం పోటీలతో పాటు పలు రకాల క్రీడా పోటీలు పాఠశాల ప్రాంగణంలో ఏర్పాటు చేశారు.విద్యార్థులందరూ ఎంతో ఉత్సాహంగా ఈ పోటీలలో పాల్గొని తమ ప్రతిభను చాటుకున్నారు.కార్యక్రమంలో భాగంగా ఉపాధ్యాయులు, విద్యార్థులు బాలల దినోత్సవ ప్రాముఖ్యతను వివరిస్తూ ప్రసంగించారు.

అనంతరం పోటీలో ప్రథమ మరియు ద్వితీయ స్థానాలు సాధించిన విద్యార్థులకు బహుమతులు మరియు ప్రశంసా పత్రాలు అందజేశారు. ఈ కార్యక్రమం లో పాఠశాల సిబ్బంది పాల్గొన్నారు