అల్లూరు సర్పంచ్ అభ్యర్థిగా బొమ్మిరెడ్డి కోటిరెడ్డి..

గ్రామ సమస్యల పరిష్కారమే లక్ష్యం

త్రాగునీరు, అంతర్గత రహదారుల సమస్యల పరిష్కారానికి కృషి చేస్తానని హామీ.. ఆంజనేయస్వామి ఆలయంలో ప్రత్యేక పూజలు

ఎన్టీఆర్ జిల్లా: నందిగామ నియోజకవర్గం వీరులపాడు మండలం అల్లూరు గ్రామ సర్పంచ్ అభ్యర్థిగా బొమ్మిరెడ్డి కోటిరెడ్డి పోటీ చేస్తున్నారు. గ్రామంలోని ప్రధాన సమస్యలను పరిష్కరించడమే తన లక్ష్యమని ఆయన పేర్కొన్నారు. ముఖ్యంగా గ్రామ ప్రజలు ఎదుర్కొంటున్న తాగునీటి సమస్యతో పాటు అంతర్గత రహదారుల సమస్యలను పరిష్కరించేందుకు కృషి చేస్తానని తెలిపారు.

గ్రామంలోని ప్రజలందరికీ ఎల్లప్పుడూ అందుబాటులో ఉంటూ, వారి సమస్యలను తెలుసుకుని పరిష్కారానికి చొరవ చూపుతానని కోటిరెడ్డి పేర్కొన్నారు. ఈ సందర్భంగా శనివారం సాయంత్రం గ్రామంలోని ఆంజనేయస్వామి దేవాలయంలో ప్రత్యేక పూజలు నిర్వహించారు.

ఈ కార్యక్రమంలో స్థానిక నాయకులు, పార్టీ కార్యకర్తలు పాల్గొన్నారు.