గ్రామీణ వైద్యులపై దాడులు నిలిపివేయాలి

• ప్రభుత్వానికి PMP, RMP వెల్ఫేర్ స్టేట్ ఆఫ్ తెలంగాణ
• కామారెడ్డి జిల్లా కార్యవర్గం డిమాండ్

కామారెడ్డి: తాడ్వాయి మండలంలోని కృష్ణాజీవాడి గ్రామంలో గ్రామీణ వైద్యులైన RMP, PMPలపై జరుగుతున్న దాడులను తక్షణమే నిలిపివేయాలని PMP, RMP వెల్ఫేర్ స్టేట్ ఆఫ్ తెలంగాణ కామారెడ్డి జిల్లా కార్యవర్గం ప్రభుత్వాన్ని డిమాండ్ చేసింది.

కృష్ణాజీవాడి గ్రామంలో నిర్వహించిన సమావేశంలో జిల్లా అధికార ప్రతినిధి చి. రాజయ్య మాట్లాడుతూ.. గ్రామీణ ప్రాంతాల్లో ప్రజలకు ప్రాథమిక వైద్య సేవలు అందిస్తున్న RMP, PMP వైద్యులపై దాడులు చేయడం వల్ల వారి జీవనోపాధి దెబ్బతింటోందని ఆవేదన వ్యక్తం చేశారు. గ్రామీణ వైద్యుల సమస్యలను ప్రభుత్వం గుర్తించి, వారి జీవనోపాధికి ఇబ్బందులు కలగకుండా తగిన చర్యలు తీసుకోవాలని కోరారు.

గ్రామీణ వైద్యుల సమస్యల పరిష్కారానికి ప్రభుత్వం చొరవ చూపాలని, వారిపై వేధింపులు, దాడులు నిలిపివేయాలని ఈ సందర్భంగా నాయకులు డిమాండ్ చేశారు.

ఈ సమావేశంలో జిల్లా అధ్యక్షుడు కృష్ణా నేటి, కార్యదర్శి ల. దేవయ్య, తుమ్మ శంకర్ తదితరులు పాల్గొన్నారు.