ఘనంగా బీసీ సంక్షేమ సంఘం సమావేశం
బీసీ సంక్షేమ సంఘం సమావేశం ఘనంగా… జిల్లా కార్యదర్శిగా బోట్ల శివ సత్యనారాయణ నియామకం
ఎన్టీఆర్ జిల్లా, విజయవాడ:
విజయవాడలోని మాకినేని బసవపున్నయ్య విజ్ఞాన కేంద్రంలో ఈరోజు ఆంధ్రప్రదేశ్ బీసీ సంక్షేమ సంఘం సమావేశం ఘనంగా నిర్వహించబడింది. రాష్ట్రవ్యాప్తంగా బీసీ వర్గాల అభ్యున్నతి, సమస్యల పరిష్కారంపై విస్తృతంగా చర్చలు జరిపారు.
సమావేశం అనంతరం కీలక నిర్ణయం తీసుకుంటూ, విస్సన్నపేట మండలం కొండపర్వ గ్రామానికి చెందిన బోట్ల శివ సత్యనారాయణను బీసీ సంక్షేమ సంఘం ఎన్టీఆర్ జిల్లా కార్యదర్శిగా నియమించారు. ఈ సందర్భంగా రాష్ట్ర అధ్యక్షులు కేశన శంకర్ రావు చేతుల మీదుగా నియామక పత్రాన్ని అందజేశారు.
ఈ సందర్భంగా శివ సత్యనారాయణ మాట్లాడుతూ బీసీ సమాజ చైతన్యానికి తన వంతు కృషి చేస్తానని, ప్రజల సమస్యలపై గళమెత్తే నాయకుడిగా నిలుస్తానని స్పష్టం చేశారు. బీసీ వర్గాల హక్కులు, అవకాశాల కోసం నిరంతరం పోరాటం చేస్తానని తెలిపారు.
అలాగే, ఈ నియామకానికి సహకరించిన రాష్ట్ర అధ్యక్షులు కేశన శంకర్ రావు, రాష్ట్ర కార్యదర్శి మేక వెంకటేశ్వరరావు మరియు సంఘ పెద్దలకు హృదయపూర్వక ధన్యవాదాలు తెలిపారు.
ఈ నియామకం బీసీ వర్గాల్లో కొత్త ఉత్సాహాన్ని నింపిందని స్థానిక నాయకులు అభిప్రాయపడుతున్నారు.
