టీడీపీకి గ్రామ అధ్యక్షుడు బోదనపు రమణారెడ్డి రాజీనామా

మార్కాపురం జిల్లా: దోర్నాల మండలం వై.చెర్లోపల్లి గ్రామానికి చెందిన తెలుగుదేశం పార్టీ గ్రామ కమిటీ అధ్యక్షుడు బోదనపు రమణారెడ్డి పార్టీకి, పార్టీ సభ్యత్వానికి, గ్రామ కమిటీ అధ్యక్ష పదవికి రాజీనామా చేస్తున్నట్లు ప్రకటించారు. ఆయనతో పాటు బట్టు వెంకటేశ్వర్ రెడ్డి, జంగాల రంగస్వామి, గుంటక మల్లికార్జున్ రెడ్డి, బోధనపు శ్రీనివాస్ రెడ్డి కూడా రాజీనామా చేస్తున్నట్లు తెలిపారు.

ఈ సందర్భంగా బోదనపు రమణారెడ్డి మాట్లాడుతూ గత 40 ఏళ్లుగా తెలుగుదేశం పార్టీలో పనిచేస్తూ, కూటమి ప్రభుత్వం ఏర్పడేందుకు అహర్నిశలు కృషి చేశానని పేర్కొన్నారు. అయితే కూటమి ప్రభుత్వం అధికారంలోకి వచ్చిన తర్వాత పార్టీ మండల నాయకులు, ఎర్రగొండపాలెం నియోజకవర్గ టీడీపీ ఇన్‌చార్జి తనను పట్టించుకోవడం లేదని ఆరోపించారు.

తనను అవహేళన చేస్తూ పక్కన పెట్టారని ఆవేదన వ్యక్తం చేశారు. ఈ పరిణామాలతో తీవ్ర మనస్తాపానికి గురైన తాను పార్టీకి, పార్టీ సభ్యత్వానికి, వై.చెర్లోపల్లి గ్రామ కమిటీ అధ్యక్ష పదవికి రాజీనామా చేయాలని నిర్ణయించుకున్నట్లు రమణారెడ్డి వెల్లడించారు.