జెస్సికా మొదటి పుట్టినరోజు వేడుకల్లో సరిహద్దు ప్రాంతాల నాయకులు

సత్తుపల్లి–చాట్రాయి ప్రాంతాల మధ్య బంధాలు కొనసాగాలని ఆకాంక్ష

ఖమ్మం, అక్టోబర్ 1: ఖమ్మం జిల్లా సత్తుపల్లి నియోజకవర్గం సత్తుపల్లి మండలం రుద్రాక్షపల్లి గ్రామానికి చెందిన ప్రముఖులు రాజిని నాగేంద్ర మనుమరాలు, యుగంధర్–మాలతి దంపతుల మానస పుత్రిక జెస్సికా మొదటి పుట్టినరోజు వేడుకలు ఘనంగా నిర్వహించారు. ఈ కార్యక్రమానికి ఏలూరు జిల్లా నూజివీడు నియోజకవర్గం చాట్రాయి మండలం పర్వతపురం గ్రామానికి చెందిన టీడీపీ, వైఎస్సార్ పార్టీ, బీజేపీ నాయకులు హాజరై చిన్నారికి పుట్టినరోజు శుభాకాంక్షలు తెలిపారు.

ఈ సందర్భంగా టీడీపీ నాయకులు మాట్లాడుతూ సత్తుపల్లి నియోజకవర్గం ఆంధ్రప్రదేశ్ సరిహద్దు ప్రాంతంలో ఉండటంతో ఇరు ప్రాంతాల ప్రజల మధ్య బలమైన బంధుత్వాలు, అనుబంధాలు ఉన్నాయని తెలిపారు. సరిహద్దుల కారణంగా ప్రాంతాలుగా విడిపోయినప్పటికీ ప్రజలంతా అన్నదమ్ముల్లా కలిసిమెలిసి జీవిస్తున్నారని పేర్కొన్నారు. భవిష్యత్తులోనూ ఐక్యతతో ముందుకు సాగుతూ తమ తమ ప్రాంతాల అభివృద్ధికి కృషి చేస్తామని తెలిపారు.

కార్యక్రమంలో చాట్రాయి మండల టీడీపీ ఆర్గనైజింగ్ సెక్రటరీ భూబత్తుల చెన్నారావు, పర్వతపురం గ్రామ టీడీపీ అధ్యక్షురాలు బొర్రా నాగమల్లేశ్వరి, బూత్ ఇన్‌చార్జి బొర్రా రామకృష్ణ, మాజీ అధ్యక్షులు నాగేశ్వరరావు, మల్లేశ్వరావు, సత్యనారాయణ, నారాయణ, రంగారావు, రాము, వాసు, సాయి, బీజేపీ నాయకుడు మేకపోతుల వెంకటేశ్వరావు, పర్వతపురం మాజీ సర్పంచ్, వైఎస్సార్ పార్టీ నాయకుడు మిద్దె శివాజీ తదితరులు పాల్గొన్నారు.