నంద్యాలలో రొమ్ము క్యాన్సర్‌పై అవగాహన ర్యాలీ

నంద్యాల: మహిళల్లో రొమ్ము క్యాన్సర్‌పై అవగాహన కల్పించేందుకు నంద్యాలలో శనివారం భారీ ర్యాలీ నిర్వహించారు. కలెక్టర్ రాజకుమారి, ఎంపీ బైరెడ్డి శబరి జెండా ఊపి ర్యాలీని ప్రారంభించారు.

మున్సిపల్ టౌన్ హాల్ నుంచి టెక్కే మార్కెట్ యార్డ్ వరకు ర్యాలీ కొనసాగింది. ఈ కార్యక్రమంలో వైద్యులు, విద్యార్థులు, వివిధ వర్గాలకు చెందిన వారు పెద్ద సంఖ్యలో పాల్గొన్నారు.

రొమ్ము క్యాన్సర్ లక్షణాలను ప్రారంభ దశలోనే గుర్తించడం, అవసరమైన వైద్య పరీక్షలు చేయించుకోవడం ద్వారా చికిత్సను సకాలంలో పొందే అవకాశం ఉంటుందని అవగాహన కల్పించారు. మహిళల్లో రొమ్ము క్యాన్సర్‌పై మరింత అవగాహన పెంపొందించాల్సిన అవసరాన్ని ర్యాలీ ద్వారా చాటిచెప్పారు.