బాలుడిని గొర్రెల కాపరిగా పనిలో పెట్టుకున్న ఘటనపై కేసు

ప్రకాశం: మద్దిపాడు మండలం బోరవారిపాలెంలో బాలుడిని గొర్రెల కాపరిగా పనిలో పెట్టుకున్న ఘటనకు సంబంధించిన వీడియో సోషల్ మీడియాలో వైరల్ అయిన విషయం తెలిసిందే.

పోలీసుల వివరాల ప్రకారం.. బోరవారిపాలెంకు చెందిన నాగయ్య ఓ మధ్యవర్తికి రూ.32,500 చెల్లించి నెల్లూరు జిల్లా దుత్తలూరు మండలానికి చెందిన బాలుడిని గొర్రెల కాపరిగా పనిలో పెట్టుకున్నట్లు ఆరోపణలు ఉన్నాయి.

ఈ ఘటనకు సంబంధించిన వీడియో సోషల్ మీడియాలో వైరల్ కావడంతో విషయం అధికారుల దృష్టికి వెళ్లింది. స్పందించిన మంత్రి నారా లోకేష్ చర్యలు చేపట్టి బాలుడిని తల్లిదండ్రుల వద్దకు చేర్చినట్లు సమాచారం.

ఘటనపై మద్దిపాడు పోలీసులు నాగయ్యపై కేసు నమోదు చేసి దర్యాప్తు చేపట్టారు. బాలుడిని పనిలో పెట్టుకున్న పరిస్థితులు, మధ్యవర్తి పాత్ర, నగదు లావాదేవీలకు సంబంధించిన వివరాలను పోలీసులు పరిశీలిస్తున్నారు.