చాట్రాయి మండలంలో విద్యాశాఖ ఆధ్వర్యంలో ముమ్మరంగా ఎన్రోల్మెంట్ డ్రైవ్

ఏలూరు: చాట్రాయి మండలంలో ఎన్రోల్మెంట్ డ్రైవ్ ముమ్మరంగా

ఏలూరు జిల్లా, చాట్రాయి మండలంలో విద్యా శాఖ అధికారి, మాసగిరి శ్రీనివాస్ ఆధ్వర్యంలో ఎన్రోల్మెంట్ డ్రైవ్ కొనసాగుతోంది. గత నెల రోజులుగా, ప్రతి అంగనవాడీ సెంటర్‌ను సందర్శించి, ఒకటవ తరగతి అర్హత కలిగిన పిల్లలను సమీప ప్రభుత్వ పాఠశాలల్లో చేర్చే ప్రక్రియ చేపట్టారు.

శ్రీనివాస్  తల్లిదండ్రులకు ప్రభుత్వ పాఠశాలల సౌకర్యాలను వివరించి, ఈ రీత్యా విద్యాసంస్థల్లో నమోదు పెంచే దిశగా అవగాహన కల్పించారు. ఇక కోటపాడు, చీపురుగూడెం గ్రామాల్లో ఉపాధ్యాయులు రాత్రిపూట కూడా ఇంటింటికీ వెళ్లి పిల్లలను నమోదు చేయిస్తున్నారు.

ఈ క్రమంలో, ఎంఈఓ మాసగిరి శ్రీనివాస్ ఉపాధ్యాయుల కృషిని ప్రశంసిస్తూ, వారి పట్ల అభినందనలు తెలిపారు.