చిన్నంపేట గ్రామంలో వర్షాలు కురవాలని ఆంజనేయ స్వామికి జలాభిషేకం

చిన్నంపేట గ్రామంలో వర్షాలు కురవాలని ఆంజనేయ స్వామికి జలాభిషేకం

చాట్రాయి, ఆగస్టు 25: ఏలూరు జిల్లా నూజివీడు నియోజకవర్గం చాట్రాయి మండలం చిన్నంపేట గ్రామంలో వర్షాలు సమృద్ధిగా కురిసి పంటలు పండాలని ఆకాంక్షిస్తూ తెలుగుదేశం పార్టీ కార్యకర్తలు ప్రత్యేక పూజలు నిర్వహించారు. గ్రామంలోని అడవి ఆంజనేయ స్వామి ఆలయంలో స్వామివారికి నీటి అభిషేకం చేసి మొక్కులు చెల్లించుకున్నారు.

ఇటీవల వర్షాలు ఆశించిన స్థాయిలో లేకపోవడంతో రైతులు ఆందోళన చెందుతున్న నేపథ్యంలో, వరుణ దేవుడు కరుణించి పుష్కలంగా వర్షాలు కురిపించాలని ప్రార్థించారు. వ్యవసాయం సజావుగా సాగి రైతు కుటుంబాల్లో ఆనందం వెల్లివిరియాలని ఆకాంక్షించారు.

ఈ సందర్భంగా చిన్నంపేట తెలుగుదేశం పార్టీ కార్యకర్తలు భక్తిశ్రద్ధలతో స్వామివారికి అభిషేకాలు నిర్వహించి ప్రత్యేక పూజల్లో పాల్గొన్నారు.