BREAKING
thumb ● కేసముద్రంలో స్వేరో ఆత్మీయ సమ్మేళనం పోస్టర్ ఆవిష్కరణ thumb ● శ్రీ చెన్నకేశవ స్వామి ఆలయంలో సామూహిక సత్యనారాయణ స్వామి వ్రత పూజలు thumb ● మృతుని కుటుంబానికి రూ.5 వేల ఆర్థిక సాయం అందించిన మాజీ ఎంపీటీసీ అశోక్ thumb ● చెట్ల తొలగింపుపై ఆరోపణలు అవాస్తవం.. అన్ని అనుమతులతోనే తొలగించాం thumb ● మల్రెడ్డి యువశక్తి ఆధ్వర్యంలో జాబ్ మేళా.. భారీగా హాజరైన నిరుద్యోగ యువత thumb ● మూడోసారి రెడ్‌క్రాస్ సొసైటీ రాష్ట్ర కార్యవర్గ సభ్యుడిగా రావుల రవిచంద్ర రెడ్డి thumb ● బైకును ఢీకొన్న కారు.. ఇద్దరు విద్యార్థులకు తీవ్ర గాయాలు thumb ● రోడ్డుపై వరి ధాన్యం కుప్పలు చీకటి లో ప్రయాణికులకు తిప్పలు thumb ● సేవా రంగంలో చేతన ఫౌండేషన్‌కు రాష్ట్రస్థాయి గుర్తింపు thumb ● ఇచ్చిన మాట నిలబెట్టుకున్న సర్పంచ్ గుగులోత్ శాంతి కిషన్ నాయక్ thumb ● కేసముద్రంలో స్వేరో ఆత్మీయ సమ్మేళనం పోస్టర్ ఆవిష్కరణ thumb ● శ్రీ చెన్నకేశవ స్వామి ఆలయంలో సామూహిక సత్యనారాయణ స్వామి వ్రత పూజలు thumb ● మృతుని కుటుంబానికి రూ.5 వేల ఆర్థిక సాయం అందించిన మాజీ ఎంపీటీసీ అశోక్ thumb ● చెట్ల తొలగింపుపై ఆరోపణలు అవాస్తవం.. అన్ని అనుమతులతోనే తొలగించాం thumb ● మల్రెడ్డి యువశక్తి ఆధ్వర్యంలో జాబ్ మేళా.. భారీగా హాజరైన నిరుద్యోగ యువత thumb ● మూడోసారి రెడ్‌క్రాస్ సొసైటీ రాష్ట్ర కార్యవర్గ సభ్యుడిగా రావుల రవిచంద్ర రెడ్డి thumb ● బైకును ఢీకొన్న కారు.. ఇద్దరు విద్యార్థులకు తీవ్ర గాయాలు thumb ● రోడ్డుపై వరి ధాన్యం కుప్పలు చీకటి లో ప్రయాణికులకు తిప్పలు thumb ● సేవా రంగంలో చేతన ఫౌండేషన్‌కు రాష్ట్రస్థాయి గుర్తింపు thumb ● ఇచ్చిన మాట నిలబెట్టుకున్న సర్పంచ్ గుగులోత్ శాంతి కిషన్ నాయక్
Test 4
Date of Publish : 15 November 2026, 04:06 am
Posted by : K MAHESH

శ్రీ వివేకవర్ధిని పాఠశాలలో ఘనంగా బాలల దినోత్సవ వేడుకలు

తెలంగాణ
/ మహబూబాబాద్
Reporter
K Mahesh Munugodu Constituency
15 Nov, 2026 - 04:06 AM
16 వీక్షణలు

ఉపాధ్యాయులుగా మారిన పదో తరగతి విద్యార్థులు.. తోటి విద్యార్థులకు పాఠాలు బోధన

బాలలే దేశ భవిష్యత్తు.. వారి నవ్వుల్లోనే సమాజ అభివృద్ధి దాగి ఉంది: పాఠశాల కరస్పాండెంట్ చిర్ర ఏకాంతం గౌడ్

కేసముద్రం: కేసముద్రంలోని శ్రీ వివేకవర్ధిని పాఠశాలలో శనివారం బాలల దినోత్సవ వేడుకలను ఘనంగా నిర్వహించారు. ఈ సందర్భంగా పాఠశాల ప్రాంగణం విద్యార్థుల సందడి, ఆటపాటలు, నృత్యాలు, సాంస్కృతిక ప్రదర్శనలతో పండుగ వాతావరణాన్ని సంతరించుకుంది. ప్రీ ప్రైమరీ, ప్రైమరీ విద్యార్థులు రంగురంగుల ఫ్యాషన్ దుస్తులు, సంప్రదాయ వస్త్రధారణలో పాఠశాలకు హాజరై ప్రత్యేక ఆకర్షణగా నిలిచారు. చిన్నారులు ప్రదర్శించిన వివిధ రకాల నృత్యాలు, సాంస్కృతిక కార్యక్రమాలు ఉపాధ్యాయులు, తోటి విద్యార్థులను అలరించాయి.

ఈ వేడుకల్లో భాగంగా హైస్కూల్ విద్యార్థులు నిర్వహించిన స్వయం పరిపాలన దినోత్సవం ప్రత్యేక ఆకర్షణగా నిలిచింది. ముఖ్యంగా పదో తరగతి విద్యార్థులు ఉపాధ్యాయుల వేషధారణలో పాఠశాలకు హాజరై తమ తోటి విద్యార్థులకు పాఠాలు బోధించారు. ప్రతిరోజూ విద్యార్థులుగా తరగతి గదులకు వచ్చే వారు ఈసారి ఉపాధ్యాయుల పాత్రను పోషిస్తూ బోధనా బాధ్యతలను స్వీకరించారు. తరగతి గదుల్లో పాఠాలు చెబుతూ ఉపాధ్యాయుల విధులు, బాధ్యతలను ప్రత్యక్షంగా అనుభవించారు.

ఈ కార్యక్రమం ద్వారా విద్యార్థులకు బోధనలోని బాధ్యతలు, ఉపాధ్యాయులు ఎదుర్కొనే సవాళ్లపై అవగాహన కలిగింది. అలాగే విద్యార్థుల్లో నాయకత్వ లక్షణాలు, ఆత్మవిశ్వాసం, బాధ్యతాయుతంగా వ్యవహరించే నైపుణ్యాలను పెంపొందించేందుకు ఈ కార్యక్రమం దోహదపడింది.

అనంతరం నిర్వహించిన సమావేశంలో పాఠశాల కరస్పాండెంట్ చిర్ర ఏకాంతం గౌడ్ మాట్లాడుతూ.. బాలలే దేశ భవిష్యత్తు అని, వారి నవ్వుల్లోనే సమాజ అభివృద్ధి దాగి ఉందని పేర్కొన్నారు. భారత తొలి ప్రధానమంత్రి పండిట్ జవహర్‌లాల్ నెహ్రూ జన్మదినాన్ని పురస్కరించుకుని ప్రతి సంవత్సరం నవంబర్ 14న బాలల దినోత్సవాన్ని నిర్వహించుకుంటామని తెలిపారు. నెహ్రూకు చిన్నారులంటే ఎంతో ఇష్టమని, పిల్లలే రేపటి భారతదేశానికి పునాదులని ఆయన విశ్వసించేవారని గుర్తుచేశారు. పిల్లలపై ఆయనకున్న ప్రేమాభిమానాలకు గుర్తుగా ఆయన జన్మదినాన్ని బాలల దినోత్సవంగా జరుపుకుంటున్నామని వివరించారు.

ప్రతి విద్యార్థిలోనూ ఏదో ఒక ప్రత్యేక ప్రతిభ దాగి ఉంటుందని, దానిని గుర్తించి వెలికితీయాల్సిన బాధ్యత విద్యార్థులతో పాటు ఉపాధ్యాయులు, తల్లిదండ్రులపై కూడా ఉందన్నారు. చదువుతో పాటు క్రీడలు, కళలు, సాంస్కృతిక కార్యక్రమాల్లో విద్యార్థులు చురుకుగా పాల్గొనాలని సూచించారు. క్రమశిక్షణ, సమయపాలన, పట్టుదల, నిరంతర సాధనతో ఉన్నత లక్ష్యాలను సాధించవచ్చని తెలిపారు.

విద్యార్థులు మొబైల్ ఫోన్లు, ఇతర వ్యసనాలకు దూరంగా ఉంటూ పుస్తక పఠనానికి ప్రాధాన్యత ఇవ్వాలని సూచించారు. మంచి విలువలు, క్రమశిక్షణ అలవర్చుకుని సమాజానికి ఉపయోగపడే బాధ్యతగల పౌరులుగా ఎదగాలని ఆకాంక్షించారు. విద్యార్థుల్లో నాయకత్వ లక్షణాలు, ఆత్మవిశ్వాసం పెంపొందించేందుకు ఇలాంటి వేడుకలు, స్వయం పరిపాలన కార్యక్రమాలు ఎంతగానో ఉపయోగపడతాయని పేర్కొన్నారు.

ఉదయం నుంచి సాయంత్రం వరకు నిర్వహించిన ఆటపాటలు, నృత్యాలు, వేషధారణలు, స్వయం పరిపాలన కార్యక్రమాల్లో విద్యార్థులు ఉత్సాహంగా పాల్గొని బాలల దినోత్సవాన్ని ఆనందోత్సాహాల మధ్య జరుపుకున్నారు. ఈ కార్యక్రమంలో పాఠశాల ప్రిన్సిపాల్ చిర్ర నరేష్, ఉపాధ్యాయులు, సిబ్బంది, విద్యార్థులు పాల్గొన్నారు.