ఘనంగా ముగిసిన సీఎం కప్ జిమ్నాస్టిక్స్
తెలంగాణ
ఘనంగా ముగిసిన సీఎం కప్ రాష్ట్రస్థాయి జిమ్నాస్టిక్స్ ఛాంపియన్‌షిప్
జాతీయ, అంతర్జాతీయ స్థాయిలో రాణించాలి: ఎమ్మెల్యే కవ్వంపల్లి సత్యనారాయణ
NTODAY NEWS: కరీంనగర్
ప్రాంతీయ క్రీడా పాఠశాలలో ఫిబ్రవరి 20 నుంచి 22 వరకు నిర్వహించిన సీఎం కప్–2026 రాష్ట్రస్థాయి జిమ్నాస్టిక్స్ ఛాంపియన్‌షిప్ ఆదివారం విజయవంతంగా ముగిసింది. ముగింపు కార్యక్రమానికి ఎమ్మెల్యే కవ్వంపల్లి సత్యనారాయణ ముఖ్య అతిథిగా హాజరై విజేతలకు బహుమతులు అందజేశారు.
ఈ సందర్భంగా మాట్లాడుతూ క్రీడాకారులు క్రమశిక్షణ, సాధనతో తమ నైపుణ్యాలను పెంపొందించుకుని జాతీయ, అంతర్జాతీయ, ఒలింపిక్ క్రీడల్లో ప్రతిభ చాటాలని సూచించారు. క్రీడల ద్వారా జిల్లాకు, రాష్ట్రానికి, దేశానికి కీర్తి తేవాలని ఆకాంక్షించారు.
ఆల్‌రౌండ్ విజేతలు
వివిధ విభాగాల్లో ప్రతిభ కనబరిచిన ఆల్‌రౌండ్ ఛాంపియన్లు:
కరీంనగర్: సుభాషిణి, మోషేష్, యశ్విత
రంగారెడ్డి: ఆరాధ్య, శాన్విక, పి. ఆకాష్
హైదరాబాద్: మేహా, కే. గౌతమ్
మేడ్చల్: జి. సంజీవ్ కుమార్
ఈ కార్యక్రమంలో జిల్లా యువజన క్రీడల అధికారి శ్రీనివాస్, ఒలింపిక్ అసోసియేషన్ సెక్రెటరీ జనార్దన్ రెడ్డి, ఉపాధ్యక్షుడు రమేష్ రెడ్డి, జిమ్నాస్టిక్ అసోసియేషన్ అధ్యక్షుడు నిరంజన చారి, సెక్రెటరీ బ్రహ్మ చారి, రిటైర్డ్ డీవైఎస్ఓ శివ తదితరులు పాల్గొన్నారు.
రాష్ట్రవ్యాప్తంగా 17 జిల్లాల నుంచి సుమారు 300 మంది అథ్లెట్లు ఈ పోటీల్లో పాల్గొని తమ ప్రతిభను ప్రదర్శించారు.
#CMCup2026 #GymnasticsChampionship #Karimnagar #SportsNews #TelanganaSports
Follow us on
Website
Facebook
Instagram
YouTube 
