మునగపాకలో మరిడి మహాలక్ష్మి అమ్మవారి పండుగ పోటీలు ప్రారంభం

గ్రామస్థాయి చెడుగుడు పోటీలకు శ్రీకారం

మునగపాక | Ntoday News

మునగపాక మండల కేంద్రంలోని గ్రామదేవత శ్రీ మరిడి మహాలక్ష్మి అమ్మవారి పండుగ మహోత్సవాల సందర్భంగా గ్రామస్థాయి చెడుగుడు పోటీలు బుధవారం ప్రారంభమయ్యాయి.

వైఎస్సార్ కాంగ్రెస్ పార్టీ అనకాపల్లి జిల్లా అధ్యక్షుడు బొడ్డేడ ప్రసాద్ సహాయ సహకారాలతో ఈ పోటీలను నిర్వహిస్తున్నారు. పండుగ సందర్భంగా గ్రామస్థాయిలో క్రీడా పోటీలను నిర్వహించడం ద్వారా యువతలో క్రీడాస్ఫూర్తిని పెంపొందించడంతో పాటు గ్రామంలో ఉత్సాహభరిత వాతావరణం నెలకొంటుందని నిర్వాహకులు తెలిపారు.

కార్యక్రమానికి మాజీ జెడ్పీటీసీ మల్ల సంజీవరావు, ఆడారి కాశీబాబు, కోనపల్లి రామ్మోహన్‌రావు, దిమ్మల అప్పారావు, కాండ్రేగుల జగన్, రవీంద్ర రాజు, రాజాన బుజ్జి తదితరులు పాల్గొన్నారు.