బూరుగుగూడెం–తమ్మిలేరు శివారు వరకు రూ.3 కోట్లతో సీసీ రోడ్ల నిర్మాణానికి శ్రీకారం

చాట్రాయి: ఏలూరు జిల్లా నూజివీడు నియోజకవర్గం చాట్రాయి మండలం బూరుగుగూడెం హరిజనవాడ శివారు నుంచి పోతనపల్లి మీదుగా తమ్మిలేరు శివారు వరకు సీసీ రోడ్ల నిర్మాణ పనులకు శ్రీకారం చుట్టారు. సుమారు రూ.3 కోట్ల అంచనా వ్యయంతో చేపట్టనున్న ఈ రోడ్ల నిర్మాణ పనులను చాట్రాయి మండల తెలుగుదేశం పార్టీ అధ్యక్షుడు ఇజ్జిగాని వెంకటేశ్వరరావు, ప్రధాన కార్యదర్శి తేళ్లూరి శేఖర్ కొబ్బరికాయ కొట్టి ప్రారంభించారు.

ఈ సందర్భంగా గ్రామ నాయకులు మాట్లాడుతూ రోడ్ల నిర్మాణంతో ఆయా ప్రాంతాల ప్రజలకు రాకపోకలు మెరుగుపడటంతో పాటు వర్షాకాలంలో ఎదురయ్యే ఇబ్బందులు తగ్గనున్నాయని తెలిపారు.

కార్యక్రమంలో గ్రామ నాయకులు ఎల్.వెంకటేశ్వరరావు, కె.సుబ్బారావు, వై.బాలస్వామి, డి.మంగయ్య, టి.సుధాకరరావు, బి.ఏసుబాబు, ఎం.శ్రీనివాసరావు, జి.రాము, కె.శంకర్రావు, ఎం.రాజీవ్ నాయక్, టి.రాఘవేంద్ర, బి.హరిజన్, వై.కాంతారావుతో పాటు గ్రామ ప్రజలు పాల్గొన్నారు.