గాలివీడు హత్య కేసును ఛేదించిన పోలీసులు
గాలివీడు హత్య కేసును ఛేదించిన పోలీసులు
అన్నమయ్య జిల్లా, రాయచోటి: రాయచోటి డీఎస్పీ కార్యాలయంలో శనివారం నిర్వహించిన మీడియా సమావేశంలో డీఎస్పీ ఎం.ఆర్. కృష్ణమోహన్ గాలివీడు హత్య కేసు వివరాలను వెల్లడించారు.
వివాహేతర సంబంధం నేపథ్యంలో భర్త బాలకృష్ణను హత్య చేసిన కేసులో భార్య చిన్నక్కతో పాటు ఆమెకు సన్నిహితుడైన కడప రఫీ, నవీన్ను పోలీసులు అరెస్ట్ చేశారు.
డీఎస్పీ పర్యవేక్షణలో కొనసాగిన దర్యాప్తులో ఎలాంటి ప్రాథమిక ఆధారాలు లేని ఈ కేసును పోలీసులు 100కు పైగా సీసీటీవీ కెమెరాల ఫుటేజ్లు, సాంకేతిక ఆధారాల సహాయంతో ఛేదించారు.
జిల్లా ఎస్పీ ధీరజ్ కునుబిల్లి ఐపీఎస్ ఆదేశాల మేరకు కేసును ఛేదించిన ఎల్ఆర్ పల్లి సర్కిల్ సీఐ హెచ్. కృష్ణంరాజు నాయక్, ఎస్ఐ జె. నరసింహరెడ్డి, సీసీఎస్ ఏఎస్ఐ సర్దార్, కానిస్టేబుళ్లు మహేంద్ర నాయుడు, బర్కత్తో పాటు ఎల్ఆర్ పల్లి సర్కిల్ పోలీసు సిబ్బందిని ఎస్పీ ప్రత్యేకంగా అభినందించారు.
