లారీ ఓనర్స్ అసోసియేషన్ లెక్కలపై మాజీ, ప్రస్తుత అధ్యక్షుల మధ్య వివాదం

లావాదేవీల వివరాలు సభ్యుల సమక్షంలో వెల్లడించేందుకు సిద్ధం: వేముల భూపాల్

వరంగల్, అక్టోబర్ 1: వరంగల్ లారీ ఓనర్స్ అసోసియేషన్ మాజీ అధ్యక్షుడు వంగాల సమ్మిరెడ్డికి ప్రస్తుత అధ్యక్షుడు వేముల భూపాల్ సవాల్ విసిరారు. సంఘం ప్రస్తుత లావాదేవీలకు సంబంధించిన పూర్తి లెక్కలను సభ్యుల సమక్షంలో వెల్లడించేందుకు తాను సిద్ధంగా ఉన్నానని తెలిపారు.

అదేవిధంగా మాజీ అధ్యక్షుడు వంగాల సమ్మిరెడ్డి హయాంలో జరిగిన లావాదేవీలకు సంబంధించిన లెక్కలను కూడా సంఘం సభ్యుల సమక్షంలో వెల్లడించాలని భూపాల్ డిమాండ్ చేశారు. సంఘానికి సంబంధించిన ఆర్థిక లావాదేవీలపై సభ్యులకు పూర్తి వివరాలు తెలియజేయాల్సిన అవసరం ఉందన్నారు.

లెక్కలు, వివరాలను వెల్లడించకపోతే లారీ యజమానులతో కలిసి వంగాల సమ్మిరెడ్డి, సదానందం ఇళ్ల ముందు నిరసన కార్యక్రమం చేపడతామని వేముల భూపాల్ హెచ్చరించారు. సంఘం ల