ఈ నెల 19 నుంచి వారం రోజుల పాటు ఇందిరమ్మ చీరల పంపిణీ

తెల్ల రేషన్ కార్డులు కలిగిన కుటుంబాల్లోని మహిళలకు చీరలు

హైదరాబాద్ (ఎన్ టుడే న్యూస్): తెలంగాణ ప్రభుత్వం ఇందిరమ్మ చీరల పంపిణీకి ఏర్పాట్లు చేస్తోంది. ఈ నెల 19వ తేదీ నుంచి వారం రోజుల పాటు రాష్ట్రవ్యాప్తంగా అర్హులైన మహిళలకు చీరలను పంపిణీ చేయనుంది. తెల్ల రేషన్ కార్డులు కలిగిన కుటుంబాల్లోని మహిళలకు ఈ చీరలు అందజేయనున్నారు.

చీరల పంపిణీ బాధ్యతలను పంచాయతీరాజ్, సెర్ప్ ఉద్యోగులకు ప్రభుత్వం అప్పగించింది. ఇందుకోసం ప్రత్యేక యాప్‌ను రూపొందించారు. పంపిణీ కేంద్రాల వద్ద లేదా లబ్ధిదారుల ఇళ్లకు వెళ్లి చీరలను అందజేయనున్నారు.

చీరలు పొందేందుకు లబ్ధిదారులు ఆధార్ కార్డు చూపించాల్సి ఉంటుంది. అధికారులు ప్రత్యేక యాప్‌లో ఫొటో తీసి, వివరాలను పరిశీలించిన అనంతరం చీరలను అందజేస్తారు.