పెదకూరపాడులో ఎన్టీఆర్ భరోసా పెన్షన్ల పంపిణీ

పెదకూరపాడు: మండల కేంద్రంలో నిర్వహించిన ఎన్టీఆర్ భరోసా పెన్షన్ల పంపిణీ కార్యక్రమంలో ఎమ్మెల్యే భాష్యం ప్రవీణ్ పాల్గొన్నారు. స్థానిక నాయకులతో కలిసి లబ్ధిదారుల ఇళ్లకు వెళ్లి వారి పరిస్థితులను అడిగి తెలుసుకుని పెన్షన్లను పంపిణీ చేశారు.

ఈ సందర్భంగా ఎమ్మెల్యే భాష్యం ప్రవీణ్ మాట్లాడుతూ వృద్ధులు, వికలాంగులు, వితంతువులకు పెన్షన్ రూపంలో అందుతున్న ఆర్థిక సాయం వారి జీవనానికి మద్దతుగా నిలుస్తోందని తెలిపారు. అర్హులైన ప్రతి లబ్ధిదారుడికి సంక్షేమ పథకాల ప్రయోజనాలు అందేలా ప్రభుత్వం చర్యలు తీసుకుంటోందని పేర్కొన్నారు.

సంక్షేమ పథకాల అమలులో రాజకీయాలకు తావులేకుండా అర్హత ఆధారంగా లబ్ధిదారులకు ప్రయోజనాలు అందేలా కూటమి ప్రభుత్వం పనిచేస్తోందని తెలిపారు.

కార్యక్రమంలో ఎంపీడీవో, మండల పార్టీ అధ్యక్షుడు, మండల నాయకులు, కార్యకర్తలు, లబ్ధిదారులు పాల్గొన్నారు.