రైతులకు ట్రాన్స్‌ఫార్మర్ల పంపిణీ
తెలంగాణ
Perumalla Praveen Kumar
Balanagar Mandal
మహబూబ్‌నగర్: బాలానగర్ మండల కేంద్రంలోని విద్యుత్ ఉపకేంద్రం వద్ద రైతులకు ట్రాన్స్‌ఫార్మర్ల పంపిణీ కార్యక్రమం నిర్వహించారు. ఈ కార్యక్రమంలో జడ్చర్ల ఎమ్మెల్యే జనంపల్లి అనిరుధ్ రెడ్డి పాల్గొని రైతులకు ట్రాన్స్‌ఫార్మర్లను అందజేశారు.
ఈ సందర్భంగా ఎమ్మెల్యే మాట్లాడుతూ వ్యవసాయ రంగానికి నిరంతర విద్యుత్ సరఫరా అందించడంతో పాటు రైతులు ఎదుర్కొంటున్న విద్యుత్ సమస్యలను పరిష్కరించేందుకు చర్యలు తీసుకుంటున్నట్లు తెలిపారు. ట్రాన్స్‌ఫార్మర్లు అందుబాటులోకి రావడంతో విద్యుత్ సరఫరాలో అంతరాయాలు తగ్గి వ్యవసాయానికి ప్రయోజనం కలుగుతుందని పేర్కొన్నారు.
రైతులకు అవసరమైన విద్యుత్ సదుపాయాలను మెరుగుపరిచే దిశగా చర్యలు కొనసాగుతాయని తెలిపారు.
కార్యక్రమంలో విద్యుత్ శాఖ అధికారులు, ప్రజాప్రతినిధులు, రైతులు, స్థానిక నాయకులు పాల్గొన్నారు.
