మైనంపాడు గ్రామానికి జిల్లా స్థాయి స్వచ్ఛ గ్రీన్ అంబాసిడర్ అవార్డు

ఎస్‌ఎన్‌పాడు: ఎస్‌ఎన్‌పాడు మండలం మైనంపాడు గ్రామ సచివాలయానికి చెందిన టి. పద్మ జిల్లా స్థాయిలో బెస్ట్ స్వచ్ఛ గ్రీన్ అంబాసిడర్ అవార్డు అందుకున్నారు.

శుక్రవారం సాయంత్రం ఒంగోలులోని ఎన్టీఆర్ కళా పరిషత్‌లో నిర్వహించిన స్వచ్ఛ ఆంధ్ర అవార్డుల ప్రదానోత్సవ కార్యక్రమంలో ఎమ్మెల్యే దామచర్ల జనార్దన్, జిల్లా కలెక్టర్ రాజాబాబు చేతుల మీదుగా పద్మ పురస్కారాన్ని అందుకున్నారు.

ఈ సందర్భంగా స్వచ్ఛత, పచ్చదనం, పారిశుధ్య కార్యక్రమాల్లో ఆమె అందించిన సేవలను గుర్తించి ఈ అవార్డుకు ఎంపిక చేసినట్లు నిర్వాహకులు తెలిపారు.

కార్యక్రమంలో మంత్రి స్వామి, పంచాయతీ అభివృద్ధి అధికారి జ్యోతి తదితరులు పాల్గొన్నారు. పద్మకు అవార్డు లభించడంపై గ్రామస్థులు, సచివాలయ సిబ్బంది అభినందనలు తెలిపారు.