నిత్య అన్నదానానికి రూ.25,116 విరాళం

ఎన్టీఆర్ జిల్లా, గంపలగూడెం మండలం, నెమలి గ్రామంలోని శ్రీ వేణుగోపాల స్వామి దేవస్థానంలో నిర్వహిస్తున్న నిత్య అన్నదాన కార్యక్రమానికి రూ.25,116 విరాళంగా అందించారు.

తెలంగాణ రాష్ట్రం, ఖమ్మం జిల్లా, పెనుబల్లి మండలం, ముత్తగూడెం గ్రామానికి చెందిన ఆర్. హర్షవర్ధన్ రెడ్డి, సుమన దంపతుల కుమారుడు మిహిర కృష్ణ పేరిట ఈ విరాళాన్ని దేవస్థాన సహాయ కమిషనర్, కార్యనిర్వహణాధికారి ఎన్. సంధ్య, ఆలయ అర్చకులు టి. గోపాలచార్యులకు అందజేశారు.

అనంతరం దాతలకు శ్రీ వేణుగోపాల స్వామివారి దర్శనం కల్పించి, స్వామివారి ప్రసాదాలను అందజేశారు. ఈ సందర్భంగా ఆలయ అధికారులు నిత్య అన్నదానానికి విరాళం అందించిన దాతలకు కృతజ్ఞతలు తెలిపారు.