నాగిరెడ్డిగూడెం ఏపీఆర్‌ఎస్ బాలికల పాఠశాల కమిటీ ఎన్నికల ఫలితాలు

నాగిరెడ్డిగూడెం ఏపీఆర్‌ఎస్ బాలికల పాఠశాల కమిటీ ఎన్నికల్లో గంగుల ఏసుకు విజయం

చింతలపూడి మండలం నాగిరెడ్డిగూడెం ఏపీఆర్‌ఎస్ బాలికల పాఠశాలలో నిర్వహించిన కమిటీ ఎన్నికల్లో ప్రగడవరం పంచాయతీ పరిధిలోని పోనుకుమాడు గ్రామానికి చెందిన గంగుల ఏసు ఘన విజయం సాధించారు. ఎన్నికల్లో విజయం సాధించిన ఏసును పాఠశాల ప్రిన్సిపాల్, సిబ్బంది బొకేతో అభినందించి శుభాకాంక్షలు తెలిపారు.

పాఠశాల కమిటీని మొత్తం 15 మంది సభ్యులతో ఏర్పాటు చేశారు. ఈ సందర్భంగా గంగుల ఏసు మాట్లాడుతూ తనపై ఉంచిన నమ్మకాన్ని నిలబెట్టుకుంటానని తెలిపారు. విద్యార్థినుల విద్యాభివృద్ధితో పాటు పాఠశాల అభివృద్ధికి తన వంతు కృషి చేస్తానని చెప్పారు. విద్యార్థినులకు మెరుగైన విద్యా వాతావరణం కల్పించేందుకు కమిటీ సభ్యులు, పాఠశాల సిబ్బందితో కలిసి పనిచేస్తానని పేర్కొన్నారు.