వైఎస్సార్‌సీపీ చిత్తూరు జిల్లా అధ్యక్షుడు వెంకట గౌడ్‌కు సన్మానం
చిత్తూరు: వైఎస్సార్ కాంగ్రెస్ పార్టీ చిత్తూరు జిల్లా నూతన అధ్యక్షుడిగా నియమితులైన పలమనేరు మాజీ ఎమ్మెల్యే వెంకట గౌడ్‌ను చిత్తూరు నియోజకవర్గ వైఎస్సార్‌సీపీ సమన్వయకర్త ఎం.సి. విజయానంద రెడ్డి పార్టీ కార్యాలయంలో శాలువాతో సత్కరించారు.
ఈ కార్యక్రమంలో మాజీ జిల్లా అధ్యక్షుడు కరుణాకర్ రెడ్డి, కుప్పం నియోజకవర్గ సమన్వయకర్త భరత్‌తో పాటు పలువురు నియోజకవర్గ నాయకులు, కార్యకర్తలు పాల్గొన్నారు.
ఈ సందర్భంగా వెంకట గౌడ్ మాట్లాడుతూ పార్టీ బలోపేతానికి నాయకులు, కార్యకర్తలు సమష్టిగా కృషి చేయాలని పిలుపునిచ్చారు. రానున్న మున్సిపల్, కార్పొరేషన్ ఎన్నికల్లో పార్టీ విజయానికి క్షేత్రస్థాయిలో పనిచేయాలని సూచించారు.
2029 ఎన్నికల్లో వైఎస్ జగన్‌మోహన్ రెడ్డిని ముఖ్యమంత్రిని చేయడమే లక్ష్యంగా పార్టీ శ్రేణులు కృషి చేయాలని ఆయన పేర్కొన్నారు. కార్యకర్తలకు పార్టీ అండగా ఉంటుందని, వారి సంక్షేమానికి ప్రాధాన్యం ఇస్తామని తెలిపారు.
