బొంగు నర్సింహ గౌడ్ కుటుంబానికి రూ.20 వేల ఆర్థిక సహాయం

బొంగు నర్సింహ గౌడ్ కుటుంబానికి రూ.20 వేల ఆర్థిక సహాయం

స్థలం: ఉరుమడ్ల

ఉరుమడ్ల గ్రామానికి చెందిన దివంగత బొంగు నర్సింహ గౌడ్ కుటుంబానికి ఉరుమడ్ల లారీ అసోసియేషన్ మరియు బోరింగ్ డ్రిల్లర్స్ అసోసియేషన్ సభ్యులు మానవతా దృక్పథంతో రూ.20,000 ఆర్థిక సహాయం అందజేత.

ఈ సందర్భంగా అసోసియేషన్ సభ్యులు మాట్లాడుతూ.. ఆపదలో ఉన్న కుటుంబాలకు అండగా నిలవడం ప్రతి ఒక్కరి సామాజిక బాధ్యత అని అన్నారు. కుటుంబ పెద్దను కోల్పోయి కష్టాల్లో ఉన్న కుటుంబానికి తమ వంతు ఆర్థిక సహాయం అందించడం సంతోషంగా ఉందని తెలిపారు. కష్టకాలంలో బాధిత కుటుంబానికి అండగా నిలవడం మానవత్వానికి నిదర్శనమని పేర్కొన్నారు. భవిష్యత్తులో కూడా గ్రామంలో అవసరంలో ఉన్న పేద కుటుంబాలకు తమ వంతు సహాయ సహకారాలు అందిస్తామని వెల్లడించారు.

ఈ కార్యక్రమంలో సాగర్ల గంగరాజు, చెరుకు సైదులు, ఉయ్యాల నాగరాజు గౌడ్, రూపని శ్రీశైలం, కంబాలపల్లి లింగస్వామి, జన్నపాల విజయ్, జనగాం స్వామి, ఉడుగు పాండు గౌడ్ తదితరులు పాల్గొన్నారు.