సరసపల్లి ఎంపీపీ పాఠశాల విద్యార్థులకు ఉచిత యూనిఫామ్స్ పంపిణీ

సరసపల్లి: సరసపల్లి ఎంపీపీ పాఠశాలలో విద్యార్థులకు గ్రామ సర్పంచ్ మద్దాల ధనలక్ష్మి, నాగప్పారావు తమ సొంత నిధులతో ఉచితంగా యూనిఫామ్స్ అందజేశారు. పాఠశాలలో చదువుతున్న విద్యార్థులందరికీ యూనిఫామ్స్ పంపిణీ చేశారు.

గత ఐదేళ్లుగా పాఠశాల అభివృద్ధికి తమ వంతు సహకారం అందిస్తూ బెంచీలు సమకూర్చడంతో పాటు పలు కార్యక్రమాలు నిర్వహించినట్లు తెలిపారు. విద్యార్థుల విద్యాభివృద్ధికి అవసరమైన సహాయ సహకారాలు అందించేందుకు కృషి చేస్తున్నట్లు పేర్కొన్నారు.

ఈ కార్యక్రమంలో సర్పంచ్ మద్దాల ధనలక్ష్మి, నాగప్పారావు, మద్దాల వీరునాయుడు, పొలమరశెట్టి నాయుడు, అప్పలనాయుడు, బి. జగ్గారావు, వై. బుజ్జి, పాఠశాల ప్రధానోపాధ్యాయుడు పి. గోవింద్, మాలేశ్వరరావు, గణేష్, కుమారి, పాఠశాల కమిటీ చైర్మన్ ఎం. భాగ్యలక్ష్మి తదితరులు పాల్గొన్నారు.