కందికొండ జాతర అభివృద్ధికి నిధులు కేటాయించాలి

దేవాదాయ శాఖ మంత్రి జూపల్లి కృష్ణారావుకు ప్రభుత్వ విప్ రామచంద్ర నాయక్ వినతి

నవంబర్ 6 (ఎన్ టుడే న్యూస్): కందికొండ జాతరను ఘనంగా నిర్వహించడంతో పాటు భక్తులకు మెరుగైన సౌకర్యాలు కల్పించేందుకు అవసరమైన నిధులు కేటాయించాలని ప్రభుత్వ విప్, డోర్నకల్ ఎమ్మెల్యే డాక్టర్ జాటోత్ రామచంద్ర నాయక్ కోరారు.

ఈ మేరకు రాష్ట్ర దేవాదాయ శాఖ మంత్రి జూపల్లి కృష్ణారావును సచివాలయంలో మర్యాదపూర్వకంగా కలిసి వినతిపత్రం అందజేశారు. కందికొండ జాతరకు రాష్ట్రంలోని వివిధ ప్రాంతాల నుంచి పెద్ద సంఖ్యలో భక్తులు తరలివస్తారని ఆయన మంత్రి దృష్టికి తీసుకెళ్లారు.

జాతర నిర్వహణకు అవసరమైన మౌలిక సదుపాయాలు కల్పించడంతో పాటు అభివృద్ధి పనులు చేపట్టేందుకు ప్రత్యేకంగా నిధులు మంజూరు చేయాలని విజ్ఞప్తి చేశారు. భక్తుల సౌకర్యార్థం జాతర ప్రాంగణంలో అవసరమైన ఏర్పాట్లు చేపట్టి, జాతర విజయవంతంగా నిర్వహించేందుకు ప్రభుత్వం సహకరించాలని కోరారు.

ఈ కార్యక్రమంలో హైకోర్టు న్యాయవాది బలుచోహన్ తదితరులు పాల్గొన్నారు.

– జర్పుల బంటి నాయక్