ఆత్రేయపురం మండల పరిషత్ కార్యాలయములో గాంధీ జయంతి వేడుకలు
మండల పరిషత్ కార్యాలయములో జాతి పిత మహాత్మా గాంధీ జయంతి వేడుకలు
మహాత్మా గాంధీ జయంతిని పురస్కరించుకుని ఈ రోజు మండల పరిషత్ కార్యాలయంలో గాంధీజీ చిత్రపటానికి ఎంపిడిఓ పి.వి.ఆర్.కె.రాజు మరియు పరిపాలనాధికారి శ్రీ వి.రామ స్వరూప్ పూలమాలలు వేసి ఘనంగా నివాళులర్పించారు. ఈ సందర్భంగా గాంధీజీ దేశానికి చేసిన సేవలను, అహింసా మార్గంలో స్వాతంత్ర్య సాధన కోసం ఆయన చేసిన కృషిని స్మరించుకున్నారు.
ఈ సందర్భంగా ఎంపిడిఓ శ్రీ పి.వి.ఆర్.కె.రాజు మాట్లాడుతూ, “మహాత్మా గాంధీజీ మన దేశానికి స్వాతంత్ర్యం సాధించడంలో కీలక పాత్ర పోషించడమే కాకుండా, సత్యం, అహింస, శాంతి, సోదరభావం వంటి గొప్ప విలువలను ప్రపంచానికి చాటిచెప్పారు. ఆయన చూపిన అహింసా మార్గం, సత్యనిష్ఠ ప్రతి ఒక్కరికీ ఆదర్శప్రాయం. గాంధీజీ ఆశయాలను నేటి తరానికి తెలియజేస్తూ, ఆయన కలలు కన్న స్వచ్ఛమైన, సమానత్వంతో కూడిన సమాజ నిర్మాణానికి ప్రతి ఒక్కరూ కృషి చేయాలి” అని అన్నారు.
ఈ కార్యక్రమంలో మండల పరిషత్ కార్యాలయ సిబ్బంది, ఉపాధి హామీ సిబ్బంది అంగన్ వాడే సిబ్బంది మహాత్మా గాంధీజీకి ఘన నివాళులు అర్పించారు.
