ఘనంగా పల్లపు బుద్ధుడు జన్మదిన వేడుకలు

వృద్ధాశ్రమంలో పండ్ల పంపిణీ

తెలంగాణ ఉద్యమకారుల వేదిక నల్లగొండ జిల్లా అధ్యక్షుడు పల్లపు బుద్ధుడు జన్మదిన వేడుకలు సోమవారం నార్కట్‌పల్లిలోని ఆదరణ అనాధ వృద్ధాశ్రమంలో ఘనంగా జరిగాయి. ఆయన పుట్టినరోజును పురస్కరించుకొని ఆశ్రమ వృద్ధుల సమక్షంలో కేక్ కట్ చేసి, వారికి పండ్లను పంపిణీ చేశారు.  ఈ సందర్భంగా వారు మాట్లాడుతూ బుద్ధుడు మరిన్ని ఉన్నత శిఖరాలను అధిరోహించాలని, ఆయన ఆధ్వర్యంలో సమాజ సేవా కార్యక్రమాలు మరింత విస్తృతంగా కొనసాగాలని ఆకాంక్షించారు. ఈ సేవా కార్యక్రమంలో కాంగ్రెస్ పార్టీ సీనియర్ నాయకులు బోయ లక్షయ్య, బోయ స్వామి, జన్నపాల రాము, బొమ్మకంటి శివ, మాధగోని నరేష్ తదితరులు పాల్గొని పల్లపు బుద్ధుడుకు హృదయపూర్వక జన్మదిన శుభాకాంక్షలు తెలియజేశారు.