ఘనంగా పండుగ సాయన్న జయంతి వేడుకలు
ఘనంగా పండుగ సాయన్న జయంతి వేడుకలు
పేదప్రజల ఆరాధ్యుడు, తెలంగాణ రాబిన్ హుడ్ గా కీర్తి పొందిన కీర్తిశేషులు పండుగ సాయన్న జయంతి వేడుకలను శనివారం పెద్దకాపర్తి గ్రామంలో ముదిరాజ్ సంఘం ఆధ్వర్యంలో అత్యంత వైభవంగా నిర్వహించారు. ఈ సందర్భంగా పండుగ సాయన్న చిత్రపటానికి పూలమాలలు వేసి ఘనంగా నివాళులర్పించారు.ఈ సందర్భంగా సంఘం నాయకులు మాట్లాడుతూ నిరంకుశ పాలనకు వ్యతిరేకంగా, నిరుపేదల ఆకలి తీర్చడం కోసం భూస్వాములు, పెత్తందార్లను ఎదిరించిన వీరుడు పండుగ సాయన్న అని కొనియాడారు. ఆనాటి రోజుల్లోనే బడుగు, బలహీన వర్గాల హక్కుల కోసం పోరాటం చేసి, పేదల గుండెల్లో నిలిచిపోయారని ఆయన్ను స్మరించుకున్నారు. సాయన్న అందించిన పోరాట స్పూర్తి, ఆశయాలను ప్రతి ఒక్కరూ ముందుకు తీసుకెళ్లాలని పిలుపునిచ్చారు. ఈ కార్యక్రమంలో ముదిరాజ్ సంఘం అధ్యక్షుడు నూతి వెంకటేశం, ఉపాధ్యక్షుడు బైరగోని పెద్దస్వామి, కార్యదర్శి గుండెబోయిన రాజు, నాయకులు గుండెబోయిన నర్సింహ, మహేష్, చంద్రయ్య, సాలయ్య, బుంగపట్ల తిమ్మయ్య, సత్తయ్య, వెంకటేశం, యాదయ్య, పర్వతాలు మరియు సంఘ సభ్యులు, గ్రామస్థులు పెద్ద సంఖ్యలో పాల్గొన్నారు.
