ఆర్మూర్, ఆలూరుకు ప్రభుత్వ కార్యాలయ భవనాలు మంజూరు

ఆర్మూర్ ఆర్డీఓ కార్యాలయంతో పాటు రెండు తహసీల్దార్ కార్యాలయాలకు అనుమతి

ఆర్మూర్ (ఎన్ టుడే న్యూస్): ఆర్మూర్ నియోజకవర్గ అభివృద్ధిలో భాగంగా ఆర్మూర్ మండలానికి ఆర్డీఓ కార్యాలయ భవనం, తహసీల్దార్ కార్యాలయ భవనంతో పాటు ఆలూరు మండలానికి తహసీల్దార్ కార్యాలయ భవనం మంజూరైనట్లు ఆర్మూర్ కాంగ్రెస్ నియోజకవర్గ ఇన్‌చార్జి పొద్దుటూరి వినయ్ కుమార్ రెడ్డి తెలిపారు.

ఈ సందర్భంగా ఆయన మాట్లాడుతూ.. ఆర్మూర్ మండలానికి ఆర్డీఓ కార్యాలయ భవనం, తహసీల్దార్ కార్యాలయ భవనం, ఆలూరు మండలానికి తహసీల్దార్ కార్యాలయ భవనం మంజూరు చేయించేందుకు సహకరించిన రాష్ట్ర ప్రభుత్వానికి కృతజ్ఞతలు తెలిపారు. ఈ కార్యాలయాల ఏర్పాటుతో ఆయా ప్రాంతాల ప్రజలకు రెవెన్యూ సేవలు మరింత చేరువయ్యే అవకాశం ఉంటుందని పేర్కొన్నారు.

ఈ నిర్ణయానికి సహకరించిన ముఖ్యమంత్రి అనుముల రేవంత్ రెడ్డి, ప్రభుత్వ సలహాదారు పొద్దుటూరి సుదర్శన్ రెడ్డి, టీపీసీసీ అధ్యక్షుడు బొమ్మ మహేష్ కుమార్ గౌడ్, నిజామాబాద్ జిల్లా ఇన్‌చార్జి మంత్రి ధనసరి సీతక్క (అనసూయ), రెవెన్యూ మంత్రి పొంగులేటి శ్రీనివాస్ రెడ్డికి పొద్దుటూరి వినయ్ కుమార్ రెడ్డి ప్రత్యేక ధన్యవాదాలు తెలిపారు.

నియోజకవర్గంలో ప్రభుత్వ కార్యాలయాల ఏర్పాటుకు సహకరించిన ప్రజాప్రతినిధులు, ప్రభుత్వ పెద్దలకు కృతజ్ఞతలు తెలియజేస్తూ, ప్రజలకు మెరుగైన పరిపాలనా సేవలు అందించేందుకు ఈ కార్యాలయాలు ఉపయోగపడతాయని ఆయన పేర్కొన్నారు.