ఘనంగా రాచకొండ దసరా ఉత్సవాల పోస్టర్ ఆవిష్కరణ

యాదాద్రి జిల్లా: సంస్థాన్ నారాయణపురం:

రాచకొండ దసరా ఉత్సవ సమితి, ELV భాస్కర్ ఫౌండేషన్ సంయుక్త ఆధ్వర్యంలో నిర్వహించనున్న రాచకొండ దసరా ఉత్సవాలు–2026కు సంబంధించిన పోస్టర్ ఆవిష్కరణ కార్యక్రమం ఘనంగా నిర్వహించారు.

రాచకొండ రామాలయంలో జరిగిన కార్యక్రమంలో ELV భాస్కర్ చేతుల మీదుగా దసరా ఉత్సవాల పోస్టర్‌ను ఆవిష్కరించారు. ఈ సందర్భంగా ఉత్సవాలను విజయవంతంగా నిర్వహించేందుకు తీసుకోవాల్సిన ఏర్పాట్లు, కార్యక్రమాలపై చర్చించారు.

ఈ కార్యక్రమంలో రాచకొండ సర్పంచ్ కవిత రఘు, అల్లాపురం సర్పంచ్ టేకుల మంజుల దిలీప్‌రెడ్డి పాల్గొని నిర్వాహకులకు శుభాకాంక్షలు తెలిపారు.

అనంతరం సరళ మైసమ్మ దేవాలయాన్ని సందర్శించిన వారు అమ్మవారిని దర్శించుకుని ప్రత్యేక పూజలు నిర్వహించారు. దసరా ఉత్సవాలు భక్తిశ్రద్ధలతో, ఘనంగా నిర్వహించాలని ఆకాంక్షించారు.