బత్తలూరులో స్మశాన వాటికకు కొత్త రోడ్డు నిర్మాణానికి భూమిపూజ

ఆళ్లగడ్డ: నంద్యాల జిల్లా ఆళ్లగడ్డ మండలం బత్తలూరు గ్రామంలో స్మశాన వాటికకు కొత్త రోడ్డు నిర్మాణ పనులకు భూమిపూజ నిర్వహించారు. ఆంధ్రప్రదేశ్ ప్రభుత్వం, పంచాయతీరాజ్ ఇంజనీరింగ్ శాఖ ఆధ్వర్యంలో చేపట్టిన ‘పల్లె పండుగ–3.0’ కార్యక్రమంలో భాగంగా ఈ పనులకు శ్రీకారం చుట్టారు.

గ్రామస్థులకు స్మశాన వాటికకు రాకపోకలు సులభతరం చేయడం, అవసరమైన సమయంలో ఇబ్బందులు లేకుండా రహదారి సౌకర్యం కల్పించాలనే ఉద్దేశంతో రోడ్డు నిర్మాణాన్ని చేపడుతున్నట్లు తెలిపారు.

భూమిపూజ కార్యక్రమంలో గ్రామ పెద్దలు, ప్రజాప్రతినిధులు, పంచాయతీరాజ్ శాఖ అధికారులు, గ్రామస్థులు పాల్గొన్నారు. రోడ్డు నిర్మాణ పనులను నాణ్యతా ప్రమాణాలతో పూర్తి చేయాలని ఈ సందర్భంగా పలువురు సూచించారు.