శంషాబాద్–బెంగళూరు జాతీయ రహదారిపై ఘోర ప్రమాదం
కంటైనర్ను తప్పించబోయి అదుపుతప్పిన ట్రావెల్స్ బస్సు.. హోటల్లోకి దూసుకెళ్లిన వాహనం
హైదరాబాద్ | Ntoday News
శంషాబాద్–బెంగళూరు జాతీయ రహదారిపై ఘోర రోడ్డు ప్రమాదం చోటుచేసుకుంది. హైదరాబాద్ వైపు నుంచి వేగంగా వెళ్తున్న ఓ కంటైనర్ వాహనం ఒక్కసారిగా అదుపుతప్పి రహదారి మధ్యలోని డివైడర్ను బలంగా ఢీకొట్టింది.
అదే సమయంలో ఎదురుగా వస్తున్న ఓ ట్రావెల్స్ బస్సు కంటైనర్ను తప్పించుకునే క్రమంలో అదుపుతప్పింది. రోడ్డుపై వెళ్తున్న పలు వాహనాలను ఢీకొంటూ బస్సు పక్కనే ఉన్న ఓ హోటల్లోకి దూసుకెళ్లింది.
బస్సు హోటల్ గోడలను బలంగా ఢీకొట్టడంతో లోపల ఉన్న స్టౌపై మంటలు ఎగిసిపడ్డాయి. దీంతో హోటల్లో ఉన్నవారు ఒక్కసారిగా భయాందోళనకు గురయ్యారు.
ప్రమాదంతో జాతీయ రహదారిపై కొంతసేపు వాహనాల రాకపోకలకు అంతరాయం ఏర్పడింది. ప్రమాదానికి సంబంధించిన పూర్తి వివరాలు, గాయపడిన వారి సమాచారం తెలియాల్సి ఉంది. పోలీసులు ఘటనపై దర్యాప్తు చేపట్టినట్లు సమాచారం.
